DNA Live24 2015

पाण्याचे टँकर व चारा छावण्या सुरु करण्याची मागणी

अहमदनगर :
नगर तालुक्यात भीषण दुष्काळी परिस्थिती निर्माण झाली असताना तातडीने पिण्याच्या पाण्यासाठी टँकर व जनावरांसाठी चारा छावण्या सुरु करण्याची मागणी नगर तालुका महाराष्ट्र नवनिर्माण सेनेच्या वतीने करण्यात आली. या मागणीचे निवेदन नायब तहसिलदार माधुरी आंधळे यांना देण्यात आले. यावेळी मनसेचे नगर तालुकाध्यक्ष बाळासाहेब ढवळे, राकेश पाटील, सागर तावरे, अमोल सांगळे, संकेत सोमवंशी आदि उपस्थित होते.

नगर तालुक्यात यावर्षी अत्यंत कमी पाऊस झाला असून, खरीप व रब्बीची पिके शेतकर्‍यांच्या हातातून गेली आहेत. विहीर, बारव आदि पाण्याचे स्त्रोत संपले असून, शेतकर्‍यांपुढे पिण्याच्या पाण्याचा व जनावरांच्या चार्‍याचा गंभीर प्रश्‍न निर्माण झाला आहे. मागील वर्षी झालेल्या जलयुक्त शिवाराच्या कामातून काही गावे वगळण्यात आली होती. जलयुक्त शिवाराच्या कामासाठी यावेळी खारे कर्जुने, निंबळक, इसळक या गावांचा समावेश करावा, नगर तालुक्यातील गावांची 50 टक्क्यापेक्षा कमी आणेवारी दाखवून विमा मंजुर करावा, शेतकर्‍यांचे बँक व सोसायटीचे कर्ज माफ करावे, खारे कर्जुने येथे जवाहर योजनेतंर्गत दोन विहीर मंजुर कराव्या, तसेच 60 वर्षापेक्षा जास्त वय असलेल्या ज्येष्ठ नागरिकांना पेन्शन चालू करण्याची मागणी करण्यात आली आहे. सदर मागण्या मान्य न झाल्यास तीव्र आंदोलन करण्याचा इशारा देण्यात आला आहे.

Post a Comment

MKRdezign

Contact Form

Name

Email *

Message *

Star Pro. Powered by Blogger.
Javascript DisablePlease Enable Javascript To See All Widget