DNA Live24 2015

शहराच्या विकासासाठी प्रस्थापित हटाओचा नारा

अहमदनगर :
महापालिका निवडणुकीच्या रिंगणात उतरलेल्या आम आदमी व भारतीय देशभक्त पार्टीच्या उमेदवारांच्या प्रचाराचा शुभारंभ भवानी नगर येथे झाला. शहराच्या विकासासाठी प्रस्थापित हटाओचा नारा देत हातात झाडू घेऊन आपच्या पदाधिकारी व कार्यकर्त्यांनी प्रचाराचा श्री गणेशा केला.

प्रचार शुभारंभाचा नारळ भारतीय देशभक्त पार्टीचे राष्ट्रीय अध्यक्ष अ‍ॅड.शिवाजी डमाळे यांच्या हस्ते फोडण्यात आला. यावेळी आपचे प्रभाग क्रमांक 14 क चे उमेदवार जयश्री शिंदे, प्रभाग 2 ड चे उमेदवार भाऊसाहेब आंधळे, प्रभाग 4 ड चे उमेदवार सागर आलचेट्टी यांच्यासह प्रवक्ते मेजर रावसाहेब काळे, योगेश खेडंके, पोपट बनकर, अशोक कासार, शैलेश नगरे, सलीम सय्यद, रजनी ताठे, रत्नमाला शिंदे, रेखा नगरे, स्वाती बनकर, सुशिला शिंदे, विजया डमाळे, शुभांगी पाटोळे, अ‍ॅड.महेश शिंदे आदिंसह आपचे कार्यकर्ते उपस्थित होते.

अ‍ॅड.शिवाजी डमाळे म्हणाले की, आम आदमी व भारतीय देशभक्त पार्टीचे उमेदवार महापालिका निवडणुकीत परिवर्तन घडवून, प्रस्थापितांची साफसफाई करेल. नगरमधील जनता प्रस्थापित पक्षांच्या कारभाराला कंटाळली असून, सुशिक्षित उमेदवारांना निवडून दिल्लीच्या धर्तीवर अहमदनगरला परिवर्तनाचा इतिहास घडणार आहे. मतदार जागृक झाला असून, सुज्ञ मतदार कोणत्याही प्रलोभनाला बळी पडणार नाही. प्रस्थापितांना हटवून भावी पिढीच्या उज्वल भवितव्यासाठी परिवर्तनाची नांदी आपच्या माध्यमातून शहरात होणार असल्याची भावना त्यांनी व्यक्त केली. 

अ‍ॅड.महेश शिंदे यांनी गेल्या 15 वर्षापासून केलेल्या सामाजिक कार्यामुळे मतदार निश्‍चित जयश्री शिंदे यांना मताधिक्क्याने  निवडून देतील. प्रत्यक्ष कृतीशलपणे कार्य करणार्‍या उमेदवार असल्याने समाज सेवेची संधी मिळणार असल्याचे त्यांनी स्पष्ट केले. प्रभाग क्रमांक 14 क च्या उमेदवार असलेल्या जयश्री शिंदे या महिला उमेदवाराचे प्रचारादरम्यान महिलांनी औक्षण करून परिवर्तनाची हाक दिली.

Post a Comment

MKRdezign

Contact Form

Name

Email *

Message *

Star Pro. Powered by Blogger.
Javascript DisablePlease Enable Javascript To See All Widget