DNA Live24 2015

Breking | केडगावात भाजपची लाट..? मग काँग्रेस होईल सपाट..?

अहमदनगर :
काँगेस पक्षाचा बालेकिल्ला समजला जात असलेल्या केडगाव भागातील प्रभागांत आश्चर्यकारक पद्धतीने भाजपची लाट आली आहे. काँग्रेस पक्षाकडील सर्व इच्छुक भाजपच्या गोटात सहभागी झाल्याची चर्चा सध्या जोरात आहे. मात्र, भाजप किंवा स्थानिक गटाकडून याबद्दल अधिकृतपणे अजूनही कोणतीच घोषणा झालेली नाही.

प्रभाग 15, 16 व 17 मध्ये केडगावचा भाग येतो. यावर माजी महापौर संदीप कोतकर आणि त्यांचे वडील भानुदास कोतकर यांचाच वरचष्मा आहे. येथे शिवसेना ही काँग्रेस पक्षाची कट्टर विरोधक आहे. तर, भाजप या राष्ट्रीय पक्षाला उमेदवारांची वणवा आहे. मात्र, सोमवारी रात्रीत घडलेल्या वरिष्ठस्तरीय घडामोडींतून काँग्रेस पक्षाचे बहुसंख्य इच्छुक थेट भाजपच्या कळपात सहभागी झाल्याचे समजते. याबद्दल केडगाव भागात दबक्या आवाजात चर्चा सुरू आहे. मात्र, अजूनही अधिकृत बातमी नसल्याने नेमके काय शिजतेय आणि कोणी शिजविलेले आहे, याबद्दल कंड्या पिकविल्या जात आहेत. येथील सर्वच पक्षाचे कार्यकर्ते यामुळे सैरभैर झाल्याचे चित्र आहे.

पोट निवडणुकीत दुहेरी खुनाच्या प्रकरणामुळे केडगाव हा भाग राज्यात चर्चेत आहे. शिवसेना पक्षाने याचाच राजकीय लाभ उठवीत नगर शहरातील आपला खुंटा बळकट केला. त्यामुळे या भागात शिवसेना विजयाच्या थाटात वावरत होती. मात्र, आता काँग्रेस पक्षाच्या एका प्रबळ गटाने थेट भाजपच्या हातात हात दिल्याने नगरची निवडणूक वेगळ्याच उंचीवर पोहोचली आहे. ही उंची नेमकी कोणाला तरणार आणि कोणाला बाधक ठरणार हे येथील मतदार आता ठरविणार आहेत.

Post a Comment

MKRdezign

Contact Form

Name

Email *

Message *

Star Pro. Powered by Blogger.
Javascript DisablePlease Enable Javascript To See All Widget