‘तो पुन्हा आलाच’; शेतकऱ्यांची झाली पळापळ..!

अहमदनगर : स्पेनमधील माद्रिद येथे जागतिक हवामान परिषद राजकीयदृष्ट्या तापली असतानाच महाराष्ट्र राज्यातील हवामान पुन्हा एकदा बदलले आहे. अवकाळी पाऊस पुन्हा दाखल झाल्याने शेतकरी बांधवांची पळापळ सुरू झाली आहे. अहमदनगर शहर व परिसरात पावसाला पुन्हा एकदा सुरुवात झाली आहे. सावेडी भागात ढग दाटून आले आहेत. त्यामुळे आता नागरिक आश्चर्य व्यक्त करीत आहेत. अवेळी पाऊस येतो, मात्र त्यालाही काही शास्त्र असतेच की.. तेच शास्त्रीय ताळतंत्र पावसाने सोडले आहे. त्यावर आता नागरिक चर्चा करीत आहेत. यापूर्वी झालेल्या पावसाने महाराष्ट्र राज्यात मका व द्राक्षे पिकाची वाट लावली आहे. आताही गहू पेरणी सुरू होत असताना राज्यात उकाडा वाढला आहे. थंडी गायब झाल्याने गहू पेरणी करून काय होणार, याचे कोडे पडले आहे. त्यातच पाऊस सुरू झाल्याने शेतकरी वर्ग जाम चिंतेत आहे.
आपल्या मित्रांपर्यंत ही बातमी पोचवा..

Be the first to comment

Leave a Reply

Your email address will not be published.


*