करोनाशी लढण्यासाठी कोरोना उपचारांसाठी मुंबईत जम्बो सुविधांची निर्मिती..!

मुंबई :

भारतातील करोना हॉटस्पॉट बनलेल्या महाराष्ट्र आणि मुंबईला करोनाशी दोन हात करण्यासाठी राज्य सरकार सर्वोतोपरी मदत करीत आहे. त्याबाबत माहिती देणारी विशेष पोस्ट मुख्यमंत्री उद्धव ठाकरे यांच्या कार्यालयाने फेसबुकवर शेअर केली आहे.

त्यात म्हटले आहे की, बीकेसी येथे एमएमआरडीने १५ दिवसांत देशातील पहिले ओपन हॉस्पिटल (१००० बेड्सची जम्बो सुविधा) उभारले. याच ठिकाणी २०० बेड्सची आयसीयू सुविधाही उपलब्ध आहे. महालक्ष्मी येथे कोरोना केअर सेंटरचे काम सध्या युद्धपातळीवर सुरु असून यात ६०० बेड्सची सुविधा आणि १२५ बेडचे आयसीयू वॉर्ड असतील. कोविड-१९ चे मध्यम लक्षणे असलेल्या रुग्णांना येथे ठेवले जाईल. नेस्को गोरेगाव येथे ५३५ बेड्सची सुविधा असलेली जम्बो सुविधा कोरोना रुग्णांसाठी उपलब्ध आहे. रेसकोर्स, दहिसर, गोरेगाव, मुलुंड येथे ७००० पेक्षा जास्त बेड्सची सुविधा असलेली डेडीकेटेड कोविड हॉस्पिटल सेंटर आणि डेडीकेटेड कोविड हॉस्पिटल पुढील २ आठवड्यात उभारण्यात येतील. ३१ मे पर्यंत एनएससीआय वरळी, महालक्ष्मी, वांद्रे व नेस्को, गोरेगाव अशा मिळून २४७५ खाटा असलेल्या सुविधा रुग्ण सेवेत कार्यरत. प्रत्येक वॉर्डमध्ये किमान १०० खाटा आणि २० आयसीयू खाटा असलेल्या रुग्णालयांची सुविधा ताब्यात घेतली. स्वत:च्या विलगीकरणाची सोय नसलेल्या कोविड रुग्णांसाठी ३० हजार खाटा क्षमतेच्या कोव्हीड केअर सेंटरची व्यवस्था. रुग्णवाहिका १०० वरून ४५० वर. महानगरपालिका तर्फे दररोज ७ लाख अन्नाची पाकिटे वाटप. मुंबईत ३६० फिव्हर क्लिनिक

आपल्या मित्रांपर्यंत ही बातमी पोचवा..

Be the first to comment

Leave a Reply

Your email address will not be published.


*